Газрын тосны үнэ 5.4 хувиар өссөн байна

Дэлхийн газрын тосны үнийн жишиг үнэ 5.4 хувиар өсч, баррель нь 95.27 ам.доллар болсон бол АНУ-ын жишиг үнэ 5.9 хувиар өсч, 88.79 ам.доллар болжээ. АНУ болон Израиль хамтарч Иранд цохилт өгсний дараа дэлхийн нефтийн үнэ огцом өссөн.

 Иран улс Ормузын хоолойг хаах бүрт дэлхийн эрчим хүчний нийлүүлэлт тасалдаж, нефтийн үнэ тогтворгүй байна. Саяхан Иран улс тус хоолойг нээнэ гэж мэдэгдэж байсан ч зах зээлийн үнэ буурсны дараа дахин хаажээ.  АНУ тэнгисийн хориг арга хэмжээгээ зогсоох хүртэл нээхгүй гэж мэдэгджээ.  Вашингтоноос тохиролцоо хийх хүртэл хоригийг үргэлжлүүлнэ гэжээ.