Т.Есөнтөмөрийг “Замын-Үүд” чөлөөт бүсийн захирагчаар томилсон байна

Шадар сайд  Н.Номтойбаярын тушаалаар “Замын-Үүд” чөлөөт бүсийн захирагч З.Болдбаатарыг 2026 оны дөрөвдүгээр сарын 9-ний өдөр үүрэгт ажлаас нь чөлөөлжээ. Ингээд Т.Есөнтөмөрийг “Замын-Үүд” чөлөөт бүсийн захирагчаар томиллоо.

 Шадар сайдын ахлах зөвлөх, Ажлын албаны дарга Б.Мөнх-Оргил “Замын-Үүд” чөлөөт бүс нь Монгол Улсын худалдаа, логистикийн гол төвүүдийн нэг бөгөөд хөрөнгө оруулалт, экспорт, импорт, аялал жуулчлалыг дэмжих чухал ач холбогдолтойг онцолжээ. Мөн тус бүсийг БНХАУ-тай хамтарсан эдийн засгийн хамтын ажиллагааны бүс болгон хөгжүүлэх зорилт тавин ажиллаж буйг дурдсан байна. Шинээр томилогдсон захирагч Т.Есөнтөмөр өмнөх захирагч З.Болдбаатарт талархал илэрхийлж, бүсийн хөгжлийг хурдасгаж, шинэ шатанд гаргахад хууль, бодлогын хүрээнд хамт олонтойгоо нягт ажиллахаа илэрхийллээ.