​Н.Алтанхуяг: Үгэнд ор, үгүй бол шоронд ороорой гэж болохгүй

УИХ-ын чуулганы 4-р сарын 9-ний пүрэв гарагийн хуралдаанаар Ерөнхийлөгчийн санаачилсан УИХ-ын гишүүнийг эгүүлэн татах тухай хуулийн төслийг хэлэлцэх эсэхийг хэлэлцсэн юм. Чуулганд гишүүд байр сууриа илэрхийлсэн. УИХ-ын гишүүн Н.Алтанхуяг, "Ерөнхий сайд байсан хүний хувьд хэлэхэд үе үеийн ерөнхийлөгч нар өөртөө байгаа эрх мэдлийг илүүдүүлж байсан уу гэхээс дутуудуулсан юм байхгүй. Болохгүй бүтэхгүй зүйл байвал сайжруулж болно, тэрийг УИХ өөрөө хийчиж чадна. Ерөнхийлөгч ороод ирэхээр УИХ, Ерөнхийлөгчийн хооронд харилцаа үүснэ. Ерөнхийлөгч ард түмнээс сонгогдсон нэг хүн, УИХ-ын гишүүд ард түмний сонголтоор тойргоос сонгогдсон хүмүүс, бүхэл бүтэн институци. Ёс зүй гэх хэмжихэд хэцүү зүйлээр хэмжүүр гаргаад татаад байна гэдэг бол их л том цоорхой үүснэ. Хараалын үг хэлсэн, нударга зөрүүлсэн чи ёс зүйгүй гээд, нөгөө талд дөрвөн жил суухдаа ганц ч үг ган гэхгүй ирц 100 хувь байгаад байдаг. Энийг тэгээд алийг нь ёс зүйтэй гэж үзэх юм бэ? Ингээд хэмжиж болдоггүй зүйлийг хэмжиж болдог юм шиг болгоод ирчихлээ, би хувьдаа дэмжихгүй байгаа. Миний болгоомжил байгаа зүйл бол УИХ-ыг татаад байна гэдэг нь манайх шиг тогтоогүй тогтолцоон дээр маш аймар зүйл. Миний үеийн ерөнхийлөгч ч гэсэн өөрийн эрх мэдлийг илүү болгоод явж байсан. Хуулин дээр бичээгүй гэхдээ амьдрал дээр "Үгэнд ороорой, үгүй бол шоронд ороорой" гэв.