Н.Учрал: АН-тай хамтрах эсэхээ намынхаа УЗ-д танилцуулна

Ерөнхий сайд Н.Учрал бүрэн эрхийнхээ хүрээнд Засгийн газраа байгуулна. Тэрээр салбар бүрт хийж хэрэгжүүлсэн ажлын гүйцэтгэлд тулгуурлан сайд нарыг улираан ажиллуулах эсэхийг шийдвэрлэнэ гэв. 

Мөн гадаад харилцаатай холбоотойгоор шийдвэрлэх шаардлагатай хэд хэдэн чухал асуудал тулгамдаж байгааг дурдлаа. Тухайлбал, агаарын түлшний хангамж, гаалийн импортын татвартай холбоотой хуулийн төслүүдийг Засгийн газар өмнө нь нэн яаралтай горимоор өргөн мэдүүлээд байгаа юм. Иймд олон улсын хамтын ажиллагааны хүрээнд эхлүүлсэн ажлуудыг бүхэлд нь шинээр эхлүүлэх боломж хязгаарлагдмал байгааг тодотгов.

Одоогийн байдлаар Ерөнхий сайдын зүгээс ХҮН нам-д Засгийн газарт хамтран ажиллах санал хүргүүлээд байгаа бөгөөд Ардчилсан нам-тай хамтрах эсэх асуудлыг намынхаа Удирдах зөвлөлд танилцуулж, эцсийн шийдвэрийг гаргахаар төлөвлөж байна гэлээ.