​Ч.Лодойсамбуу: АН-ын бүлгийн зартай наймаачид улс орноо бодож ганц удаа арчаатай байгаарай!

УИХ-ын гишүүн Ч.Лодойсамбуу өөрийн цахим хуудсаараа дамжуулан байр сууриа илэрхийллээ. Тэрбээр,  "Бүлэг нь амь ороод хүчтэй болонгуут айлын дохиураар даргаа огцруулна гээд бичиг бариад гүйж байгаа манай АН-ын бүлгийн зартай наймаачид намынхаа жирийн гишүүд дэмжигчдийн итгэл, намаа боддоггүй юм гэхэд улс орноо бодож ганц удаа арчаатай байгаарай!" гэсэн юм.

Учир нь АН дотор Засагт орох хүсэлтэй хэсэг бүлэг хүмүүс бүлгийн даргаа огцруулах гарын үсэг цуглуулж, засагт багтах 8 суудлын тохироо хийсэн гэх мэдээлэл бий. Засагт найман суудал авч нэгдэх хүслийн ард О.Амгаланбаатар, П.Мөнхтулга, Ж.Батсуурь, П. Батчимэг, Ж.Баярмаа, Р.Эрдэнэбүрэн, Ц.Баатархүү, Б.Пунсалмаа, Д.Ганбат, Р.Сэддорж, Ө.Шижир нар байгаа гэх. 22 хүн гарын үсэг зурвал О.Цогтгэрэлийг огцруулах нөхцөл бүрдэнэ. Одоогийн байдлаар 14 хүн гарын үсэг зураад буй юм. 

1. О.Амгаланбаатар
2. П.Мөнхтулга
3.  Ж.Батсуурь
4.  П.Батчимэг
5.  Ж.Баярмаа
6. Р.Эрдэнэбүрэн
7.  Ц.Баатархүү
8.  Б.Пунсалмаа
9.  Д.Ганбат
10.  Р.Сэддорж
11. Ө.Шижир
12. Б.Пүрэвдорж
13. Д.Жаргалсайхан
14. Г.Хосбаяр

Найман суудлын төлөө тэмцэж буй АН-ын гишүүд бүлгийн даргаа огцруулаад засагт нэгдэе гээд гарын үсэг зураад эхэлсэн байна. Н.Учралын засгийн газар АН-ын дотоод зодооныг эхлүүлж байгаа бололтой.