"Инээдмийн баяр"-ын өдөр тохиож байна

Өнөөдөр олон улсын инээдмийн баярын өдөр өнөөдөр тохиож байна. Дэлхийн олон улс оронд тэмдэглэдэг энэ баярыг зарим газарт "Тэнэгүүдийн баяр" ч гэж нэрлэдэг байна. 

Орчин үед хүмүүс уламжлалын дагуу өглөөнөөс орой хүртэл онигооноос сэдэвлэсэн аргаар хуурах, хуурамч даалгавар өгөх зэргээр тэмдэглэн бие биеэ хуурч, тоглоом шоглоом хийж баясдаг баяр юм. 

Энэхүү баярын үүсэл нь Европт 16-р зуунаас эхлэлтэй бөгөөд цаг хугацааны явцад дэлхийн олон оронд түгэн дэлгэрчээ. Өнөө үед Инээдмийн баяр нь улс орон бүрт өөр өөрийн өнгө аястай тэмдэглэгддэг. Жишээлбэл, Англи, АНУ зэрэг орнуудад үд хүртэл хошигнол хийх “дүрэмтэй” бол Францад хүмүүс бие биенийхээ нуруунд загасны зураг нааж хошигнодог нь “Дөрөвдүгээр сарын загас” хэмээн нэрлэгддэг байна. Инээд нь хүний эрүүл мэндэд эерэг нөлөөтэй, стресс бууруулж, сэтгэл санааг сэргээдэг гэдгийг мэргэжилтнүүд онцолдог.

Иймд уншигч та бүхэн энэ өдрийг инээд хөөрөөр дүүрэн өнгөрүүлж, ойр дотнын хүмүүстээ эерэг уур амьсгал бэлэглээрэй. Харин хошигнол хийхдээ бусдыг гомдоохгүй, худал мэдээллийг хэтрүүлэхгүй байх нь чухал юм.