ТААМАГ: Б.Жавхлан, Ж.Энхбаяр, С.Бямбацогт, С.Амарсайхан нарын нэг нь марафонд түрүүлнэ

Өнөөдөр УИХ-ын дараагийн дарга тодрох болов уу. Ерөнхийлөгчийн зүгээс энэ удаад шинэ Ерөнхий сайд Н.Учралд бүх асуудлыг даатгаж, "Нам засгийн томилгооруу хуруу дүрэхгүй холхон байя, өөрсдөө учраа ол" гэсэн бололтой харагдана. УИХ-ын даргын томилгоонд ч мөн адил. "Өөрсдөө учраа ол, гэхдээ 38-иасаа тавиарай" гэсэн бололтой. 

Өчигдрийн нөхцөл байдлыг ажвал Ж.Бат-Эрдэнэ, Л.Энх-Амгалан нар сайд болохоор тохирч, Б.Жавхлан, Ж.Энхбаяр, С.Бямбацогт, С.Амарсайхан нар тунаж үлдээд байна. 38 нь дотроо санал хураагаад, дотроо тохироод, 68-ын бүлэгрүү орохоор байна. Б.Жавхлан "Би сайд болохгүй, УИХ-ын дарга л болно" гэдэг хатуу байр суурьтай байгаа. Өмнө нь Г.Занданшатарт байриа тавьж өгсөн, хойшоо суусан, одоо бол үгүй гэх нь аргагүй биз. С.Бямбацогт ч мөн адил. Ж.Энхбаярын хувьд нэр муутай. Бүлэг дээрээ санал хураавал нөгөө хоёртоо чирэгдэх болов уу. Өрсөлдөөн Б.Жавхлан, С.Бямбацогт нарын дунд өрнөнө. Ж.Энхбаяр 01-ээр крандуулах гэж үзэх магадлалтай. Энэ өрсөлдөөн бол нууцхан Ерөнхийлөгчийн сонгуульд нэр дэвших “хүсэлтэй” марафон.

Нэгэн үе нэг талдаа гараад хэнийг ч ниргэж чадахаар байсан хүмүүс өөр хоорондоо үзэлцэх шалтгаан нь "албан тушаал". Ямартай ч таамгаа өнөөдөр өрнөх үйл явдалтай тулгая.