ТААМАГ: Н.Учралын Засгийн газар урт наслахын тулд ХҮН, Үндэсний эвслийг багтаана

Есөн сарын настай Г.Занданшатарын Засгийн газрын түүхийг давтахгүйн төлөөх Н.Учралын зовлон эхэллээ. Н.Учралын танхимд хэн хэн сайдаар үлдэх, хэн хэн нэмж орох эсэх яриа хараахан хийгдэж амжаагүй байна.  Өнөөдөр нэрсийг тодруулах яриа эхэлнэ. Ерөнхий сайд Н.Учрал яамдын тоог цөөлөөд, бүтцээ эргэж харах, дагаад төсвөө тодотгоод явах туйлын хүсэлтэй байгаа болов уу гэж таамаглаж байна. Харин нөгөө талаас яамдыг нэмэх, хасах, нэгтгэх асуудал дээр улс төржилжүүлж, сайд нараа томилж чадахгүй хэмжээнд хүрчихвий гэх болгоомжлол ч байгаа боловуу. Энэ болгоомжлолоор яамдын бүтцэд асар их өөрчлөлт орохгүй, энэ хэвээр зүтгүүлэх байх. Энэ таамаглалаар сайд нарын 50 хувь нь хөдлөхгүй боловуу. АН-тай хамтрахгүй ч ХҮН, Үндэсний эвсэлтэй хамтарч таарна. Үндэслэл нь АН-ын 40, ХҮН 11, Үндэсний эвслийн 9 нийлчихээр Засаг унагаах кноп хангалттай. Энэ тул Н.Учралын Засгийн газрын урт наслах тактик нь ХҮН, Үндэсний эвсэлтэй хамтраад сайд нарын 50 хувиа сэлгээд явах болов уу.