Хурдан морины уралдааны дүрэмд өөрчлөлт оруулах асуудлыг хэлэлцжээ

Үндэсний их баяр наадмыг зохион байгуулах хорооны ээлжит хуралдаан /2026.03.24/ өчигдөр боллоо.

Хуралдаанаар Үндсэний их баяр наадмыг зохион байгуулах хорооны 2026 оны төсвийг эцэслэн батлах талаар болон Салбар хоорондын  бүрэлдэхүүнийг шинэчлэн батлах тухай хэлэлцэж шийдвэрлэжээ. Түүнчлэн Үндэсний их баяр наадмын хурдан морины уралдааны дүрэмд нэмэлт өөрчлөлт оруулах тухай хэлэлцсэн бөгөөд дараагийн хурлаар эцэслэн батлах аж. Мөн жороо морины уралдааны дүрмийн талаар болон Баяр наадмын тасалбар борлуулах түр журмын төслийг ажлын хэсгээс танилцуулсан байна.

Хурлын төгсгөлд Монгол Улсын Шадар сайд, Үндэсний хорооны дарга Х.Ганхуяг наадмын тасалбар борлуулах түр журмын төслийг эцэслэж, дараагийн хурлаар батлуулах, олон улсын морины уралдааны замыг засаж сайжруулах, аюулгүй, саадгүй болгох ажлыг Хурдан морины салбар хорооны дарга болон Тохижилт засвар, худалдаа үйлчилгээний салбар хорооны даргад, шаардагдах зардлыг зохицуулалт хийж шийдвэрлэхийг НЗДТГ-ын дарга, Үндэсний их баяр наадмыг зохион байгуулах хорооны Нарийн бичгийн дарга Т.Оюунчимэгт даалгасан байна.