Шатахууны үнийн зөвлөл хуралдана

Энэ сарын 26-нд шатахууны үнийн зөвлөл хуралдах болжээ.  Ираны дайнаас үүдэн шатахууны үнийн огцом өсөлт бий болсон. Манай улсад ч шатахууны үнэ өөрчлөгдөж болзошгүй гэх асуудал яригдаж байна.  

Шатахууны үнийн талаар Аж үйлдвэр, эрдэс баялгийн сайд Г.Дамдинням байр сууриа илэрхийлсэн. Тэрээр "Дэлхийн түүхий невтийн тээврийн 20 хувь дамжиж өнгөрдөг ормузын хоолойд асуудал үүсэж байна. Үүний улмаас дэлхийн невтийн үнэ огцом өсдөг. Манай нийт импортын 97 хувийг хойд хөрш дангаараа хангадаг. Энэ асуудал үүсэхтэй зэрэг бид хойд хөрштэйгөө тасралтгүй холбоотой байгаа. Тасалдал саатахгүй гэдэг дээр тохирсон. Үнийн хувьд, евро-5 стандартын бүх төрлийн бүтээгдэхүүн дээр үнийн өөрчлөлт орж таарахаар байна" гэсэн мэдээлээд байна.