Нийгмийн халамж авагчдын тоо буурсан ч нийт зардал 17.2 тэрбум төгрөгөөр нэмэгдсэн

Нийгмийн халамжийн нийт зардал сүүлийн гурван жилийн хугацаанд 454.5 тэрбум төгрөгөөс 471.7 тэрбум төгрөг болж  4.7 хувиар өссөн үзүүлэлттэй байна. 

Харин эсрэгээрээ энэ оны эхний хоёр сарын байдлаар нийгмийн халамжийн үйлчилгээ авагчдын тоо өмнөх оны мөн үеэс 2.3 хувиар буурсан байна

Халамж хүртэгчдийн нийт тоо 2,073,424 байгаа бөгөөд хүүхдийн мөнгөн тэтгэмж 62.1 хувийг эзэлж, хамгийн өндөр хувийг бүрдүүлж байна. Харин бусад төрлийн халамж 23.3 хувь, нийгмийн халамжийн тэтгэвэр, тэтгэмжийн үйлчилгээ 8.3 хувь, эх болон олон хүүхэдтэй өрх толгойлсон эцэг, эхэд олгож буй тэтгэмж 6.3 хувийг тус тус эзэлж байна.

Ийнхүү халамж хүртэгчдийн тоо буурсан ч бодит байдал дээр зардлын хэмжээ тодорхой хэмжээнд өссөн нь халамжийн бодлого, зарцуулалтын бүтэц нь өөр хоорондоо харилцан адилгүй буйг илтгэж байна