Орхонтуул сумын иргэн Э.Шинсандагийн гурван хүүхэд гурвуулаа "Монгол цэргийн баярын өдөр" төрсөн

Өчигдөр буюу Монгол Улсад Зэвсэгт хүчин үүсэж хөгжсөний 105 жилийн түүхт ой тохиосон баярын өдрөөр дахин онцгой баярт үйл явдал тохиолоо. Учир нь Орхонтуул сумын иргэн Э.Шинсандагийн гэр бүл 4 хүүхэдтэй бөгөөд тэдний 3 хүүхэд нь "Монгол цэргийн өдөр" буюу 3 дугаар сарын 18-нд төрсөн нь Монгол Улсын хэмжээнд онцгой ховор тохиолдол юм.

Өчигдөр Монгол цэргийн баярын өдрөөр Сэлэнгэ аймгийн Засаг дарга бөгөөд Батлан хамгаалах газрын дарга Н.Лхагвадорж болон цэргийн байгууллагын удирдлагууд Э.Шинсандагийн гэр бүлд хүндэтгэл үзүүллээ.

Аймгийн Засаг дарга Н.Лхагвадорж хүүхэд тус бүрд 1 сая төгрөгийн хадгаламжийн дэвтрийг батламжийн хамт гардуулан өглөө.

Өнөөдөр Ш.Сувд 9 нас, Ш.Гантиг 3 нас, Ш.Маргад 1 нас хүрч байна. Ээж Б.Цэндсүрэн нь хүүхдүүдээ цэргийн мэргэжилтэй хүн болгох хүсэлтэй гэв.

Танай гэр бүлд аз жаргал сайн сайхан бүхнийг хүсэн ерөөе.