Г.Дамдинням: Шатахууны үнэ нэмэгдэх эсэх нь тодорхойгүй байна

Дэлхийн нефтийн тээврийн 20 хувийг дамжин өнгөрүүлдэг ормузын хоолой дайны нөхцөл байдалд орж хаагдаад байна. Үүнтэй холбоотойгоор дэлхий даяар шатахууны хомстол үүсээд байна. Бүгд үнээ өсгөж байна, энэ зөвхөн Монголд болж байгаа асуудал биш. Тиймээс бидний зүгээс урт хугацаандаа шатахууны нөөц саваа нэмэгдүүлэх бодлогоо үргэлжлүүлэх, дотооддоо барьж байгаа боловсруулах үйлдвэрээ хурдан ашиглалтанд оруулах, гуравдугаарт БНХАУ-ын хөрөнгө оруулагчидтай үүссэн асуудлыг ойрын хугацаанд шийдэхээр ажиллаж байна. 

АИ-92 шатахууны манай улсын сарын хэрэглээ 80 мянган тонн. Үүний 60 мянган тонн нь ОХУ-тай хөдөлгөөнгүй гэрээгээр хийгдсэн байдаг, 20 мянган тонн дээр Евро5 бүтээгдэхүүн авдаг. Үнийн хувьд Евро5 болон бусад бүтээгдэхүүн дээр зах зээлийн ханшаар л явна.