​“Гурван сайхан” нисэх буудлыг өргөтгөнө

“Гурван сайхан” нисэх буудалд өргөтгөл барих болжээ. Өмнөговь аймгийн Засаг дарга Н.Энхбат, “Гурван сайхан” нисэх буудлын дарга Х.Батболд нар энэ сарын 14-нд хамтын ажиллагааны санамж бичигт гарын үсэг зурлаа.

Зам тээврийн яамны сайд Б.Дэлгэрсайхан өнөөдөр/2026.03.14/-нд  Өмнөговь аймагт ажиллах үеэр, аймгийн ИТХ-ын дарга О.Эрдэнэ-Өрнөх, Засаг дарга Н.Энхбат нар УИХ-ын гишүүн, ЭЗБХ-ны дарга Р.Сэддорж, “Иргэний нисэхийн үндэсний төв” ТӨХХК-ийн төлөөллүүд, “Хүннү эйр” компанийн гүйцэтгэх захирал П.Мөнхжаргал болон аялал жуулчлалын салбарын төлөөллийг хүлээн авч уулзан олон улсын нисэх буудал байгуулах, гадаадаас шууд нислэг хүлээн авах чиглэлээр санал солилцсон байна. 

Энэ удаагийн улзалтаар 4D ангиллын олон улсын нисэх буудлыг бүтээн байгуулах төслийг түргэсгэх, мөн орон нутгийн төсвийн хөрөнгөөр “Гурван сайхан” нисэх буудалд өргөтгөл хийх талаар аймгийн ИТХ-аар хэлэлцэн баталсантай холбогдуулан, 2026 онд Япон, БНСУ, БНХАУ-аас шууд нислэг үйлдэх талаар хэлэлцжээ. 4D ангиллын нисэх буудал гэдэг нь буудлын урт нь 1800 метрээс дээш, дунд болон том оврын онгоц бууж, олон улсын нислэг хүлээн авах боломжтой харьцангуй том буудлыг хэлдэг байна.  

Өмнөговь аймагт олон улсын шууд нислэгтэй болсноор говийг зорин ирэх жуулчдын тоо нэмэгдэн,  эдийн засаг эргэлтийг тэлэх өндөр ач холбогдолтой юм.