Засгийн газар өнгөрсөн 7 хоногт гаргасан шийдвэрүүд

20 жилийн өмнө Малайз улсад амь насаа алдсан Ш.Алтантуяа агсны аав С.Шаарийбууг Ерөнхий сайд Г.Занданшатар хүлээн авч уулзлаа. Уулзалтын үр дүнд С.Шаарийбууд дэмжлэг үзүүлэх Засгийн газрын Ажлын хэсэг байгуулахаар боллоо.

Албаны нууц нэрээр халхавчилсан авлига, хулгайг таслан зогсоож, цэгцлэх хуулийн төслийг Засгийн газар дэмжлээ.
Ерөнхий сайд Г.Занданшатар ХХААХҮЯ-нд ээрэх үйлдвэр байгуулах төслийг бодлогоор дэмжих, нийслэлд ноолууран бүтээгдэхүүн худалдаалах нэгдсэн цэг байгуулах мөн энэ онд хүнсний улаанбуудайн 100 мянган тонноос багагүй нөөц бүрдүүлж, тариаланчдын борлуулалтыг баталгаажуулах үүрэг өглөө.
Улсын хилийн зурваст хууль зөрчиж олгосон 66 га газрыг төрийн мэдэлд буцаан авч, газар ашиглах эрх олгосон шийдвэрийг хүчингүй болгов.