Иранд хамгийн багадаа 201 хүн амь үрэгдэж, 747 хүн шархаджээ

Өнгөрсөн бямба гарагт/2026.02.28/ АНУ болон Израилаас Ираны нутаг дэвсгэрт цохилт өгч, Ойрх Дорнодод шинэ мөргөлдөөн үүсгээд буй билээ. Энэ үйл явдлын дараахан АНУ-ын ерөнхийлөгч Дональд Трамп өөрийн цахим хуудсаар дамжуулан, "АНУ-ын зэвсэгт хүчин Иранд томоохон байлдааны ажиллагааг эхлүүллээ” хэмээн мэдэгдсэн юм. Ираныг цөмийн зэвсэгтэй болохоос сэргийлж АНУ-ын аюулгүй байдалд үзүүлсэн заналхийллийг эцэслэнэ гэдгийг онцолсон юм. 

Иранд цохилт өгч эхэлснээс хойш хамгийн сүүлийн мэдээллээр 201 хүн амь үрэгдэж, 747 хүн шархдаад буй юм. Ираны албаныхны мэдээлснээр, Ираны өмнөд хэсэгт байрлах сургуульд цохилт өгсний улмаас тус сургууль дээр  хүүхдүүдийг оролцуулан хамгийн багадаа 153 хүн нас баржээ. 

АНУ-ын талаас өгсөн мэдээллээр тус улсын зэвсэгт хүчний гурван цэрэг амиа алдаж, таван хүн шархаджээ. Америкийн тал цаашид ч хохирол амсах магадлалтай, гэсэн хэдий ч зорилгоо биелүүлэх хүртэл зогсохгүй гэдгээ Трамп мэдэгдээд байна. 

Ойрх Дорнодод үүсээд буй мөргөлдөөний асуудалд, НҮБ-ын Хүний эрхийн асуудал хариуцсан дээд комиссар Волкер Турк талуудыг тэвчээртэй, ухаалаг хандаж, хэлэлцээрийн ширээний ард суухыг уриалж буй билээ. 

Эх сурвалж: BBC news