Өнөөдөр Монгол Улсад "Эх орончдын өдөр" тохиож байна

Жил бүрийн гуравдугаар сарын 1-ний энэ өдөр нь эх орныхоо тусгаар тогтнол, бүрэн эрхт байдлын төлөө тэмцэж ирсэн үе үеийн эх орончдын гавьяа зүтгэлийг хүндэтгэн дурсах, тэдний үзэл санаа, түүхэн үйлсийг олон нийтэд сурталчлан таниулах чухал ач холбогдолтой өдөр билээ.

Энэ өдөр нь МАН-ын байгуулагдсаны түүхт 105 жилийн ой тохиож байна. 1921 оны Үндэсний ардчилсан хувьсгалын эхлэлтэй салшгүй холбоотой. Тухайн үед эх орончид нэгдэн зохион байгуулалтад орж, улс орныхоо тусгаар тогтнолын төлөө тэмцлийн шинэ хуудсыг нээсэн түүхтэй. Тухайлбал, Дамдины Сүхбаатар, Хорлоогийн Чойбалсан нарын эх орончдын манлайлал дор ард түмэн эв санаагаа нэгтгэн тэмцэж, улмаар Монгол Улсын шинэ цагийн түүхийн үндсийг тавьсан билээ.

Монгол Улсын иргэн бүр эх орныхоо хөгжил цэцэглэлт, тусгаар тогтнолын бат бэх байдлын төлөө хичээн зүтгэх нь жинхэнэ эх оронч үйл хэрэг юм.