Монгол Улс өнгөрсөн онд авлигын төсөөллийн индексээр 31 оноо авч арван байр ухарлаа

Авлигын төсөөллийн индексийг өнөөдөр албан ёсоор танилцууллаа. 

2025 оны үзүүлэлтээр Монгол Улс 31 оноо авч, дэлхийн 182 улсаас 124 дүгээрт эрэмбэлэгдэж байв. Энэ нь сүүлийн 10 жилийн хугацаан дахь хамгийн муу үзүүлэлт юм.

2024 онд Монгол улс 33 оноо авч, 114 дүгээрт эрэмбэлэгдэж байсан юм.

Авлигын төсөөллийн индексээр хамгийн сайн үнэлгээ авсан нь Дани улс юм. Тус улс 89 оноотойгоор дэлхийн 182 улсыг тэргүүлсэн. Харин Өмнөд Судан хамгийн сүүлий нбайрыг эзлэж буй юм. 

Монгол Улсын сүүлийн 10 жилийн хамгийн сайн үзүүлэлт нь 2016 он байв. Тухайн үед авлигын индексээр 38 оноо авч, дэлхийд 87 дугаарт эрэмбэлэгдсэн. Харин 2021-2024 онд эрэмбэлэгдэх байр нь багахан хөдөлсөн ч оноо нь яг хэвээрээ буюу ямар ч ахиц дэвшилгүй байсан бол 2025 онд улам доошиллоо.