Өвлийн олимпын медаль түүхэн дээд үнэтэй байна

Италийн Милано Кортина тосгонд болох өвлийн олимпын медалиуд урьд өмнө нь байгаагүй түүхэн дээд үнэ хүрнэ. Өвлийн олимпод ялсан тамирчидад Италийн зоос, полиграфын хүрээлэн дахин боловсруулсан металлаар хийсэн медаль гардуулна. 

Тус олимпод 700 гаруй алт, мөнгө, хүрэл медаль гардуулах юм. 2024 оны долоодугаар сард болсон Парисын зуны олимпоос хойш алтны үнэ 107 хувь, мөнгөний үнэ 200 орчим хувиар нэмэгдээд байгаа. Энэ үнээр тооцоолбол алтан медалийг хийхэд хэрэглэсэн металл 2,300 орчим ам.доллар хүрнэ. Харин мөнгөн медаль 1,400 ам.доллар бүхий үнэт металлтай. Энэ нь хоёр жилийн өмнөх үеэс гурав дахин нэмэгдсэн үнэ юм.

Алтан медальд нийт 506 грамм үнэт металл ашиглахын зургаан грамм нь  алт байх юм. Үлдсэн 500 граммыг нь мөнгөөр цутгана. Хүрэл медалийг зэсээр хийдэг. Милано Кортинагийн хүрэл медаль 420 грамм зэсээр хийгдэх тул 5.6 ам.долларын үнэ хүрнэ.