О.Саранчулуун Хэнтий аймгийн хөгжлийн бэрхшээлтэй иргэд, ахмад настнуудтай уулзлаа

УИХ-ын гишүүн О.Саранчулуун Хэнтий аймгийн хөгжлийн бэрхшээлтэй иргэд, ахмад настнуудтай уулзаж, тулгамдсан асуудлыг сонсож ажиллав

Хэнтий аймагт хөгжлийн бэрхшээлтэй иргэд, ахмад настнуудтай уулзалт зохион байгуулж, тэдний санал хүсэлт, тулгамдсан асуудлыг сонсож ажиллалаа.

Уулзалтад УИХ-ын гишүүн М.Ганхүлэг, Хэнтий аймгийн Засаг даргын зөвлөх Г.Тайванжаргал, холбогдох албаныхан, иргэдийн төлөөлөл хамтран оролцлоо. Уулзалтын үеэр иргэдээс дараах санал, асуудлуудыг хөндөн ярив. 

•  Хөгжлийн бэрхшээлтэй иргэдэд зориулсан зорилтот орон сууц бий болгох

• Соёл, хөгжлийн төв байгуулах

• Цахим шилжилтийн хүртээмжийг сайжруулах

• Тэтгэвэр, тэтгэмжийн хэмжээ бага, санхүүгийн баталгаагүй байдал

• Хөдөлмөрийн чадвар алдалтын хувь тогтоолт оновчгүй, хүртээмж дутмаг

• Групп тогтоолтын сунгалт байнга хийгддэг нь хүнд суртал үүсгэдэг зэрэг асуудлууд багтлаа. 

Цаашид хүртээмжтэй, хүн бүрт ээлтэй нийгмийг бий болгохын төлөө иргэдийн дэвшүүлсэн санал хүсэлтийг холбогдох байгууллагуудад уламжилж, хамтран ажиллахыг уулзалтад оролцогчид илэрхийллээ. Уулзалтад идэвхтэй оролцож, зорин ирж санал бодлоо хуваалцсан хөгжлийн бэрхшээлтэй иргэд, ахмад настнууддаа талархал илэрхийлье. Уулзалтыг зохион байгуулсан Хэнтий аймгийн Засаг даргын тамгын газар, төлөөллүүддээ баярлалаа.