ХЭНТИЙ: Өндөр настнуудад хүндэтгэл үзүүллээ

Хэнтий аймгийн хамгийн өндөр настай буурлуудад аймгийн удирдлагууд хүндэтгэл үзүүлжээ. Хэнтий аймгийн Хэрлэн сумын Нэгдүгээр багийн өндөр настан Ч.Долгоржав энэ жил 105 нас, тавдугаар багийн өндөр настан Даржаагийн Долгор 94 насыг зооглож, үр хүүхэд, ач, зээ, гуч, жичтэйгээ эрүүл энх, амар амгалан урт насалж, удаан жаргаж байна.

Сар шинийн эхний өдөр аймгийн Засаг дарга Д.Аюурбунь, аймгийн ИТХ-ын төлөөлөгч Ц.Амгаланбаатар, АЗДТГ-ын ТЗУХ-ийн дарга Б.Золбоо, Хэрлэн сумын ИТХ-ын дарга Ц.Цэрэндулам нар хүндэтгэл үзүүлж, золгон МУ-ын Ерөнхийлөгчийн бэлгийг гардууллаа.