Төв аймгийн нэгдсэн эмнэлэг тохойн үе бүтэн солих мэс заслыг амжилттай нэвтрүүллээ

Төв аймгийн Нэгдсэн эмнэлгийн мэс заслын тасгийн эмч нар, Гэмтэл согог судлалын үндэсний төвийн мэргэжлийн багтай хамтран нэгдүгээр сарын 26-ны өдөр орон нутагт анх удаа тохойн үе бүтэн солих мэс заслыг амжилттай нэвтрүүлжээ.

Энэхүү мэс засал нь орон нутгийн иргэдэд томоохон хүлээлт үүсгээд байсан бөгөөд иргэд цаашид Улаанбаатар хот хүртэл зорчих шаардлагагүйгээр эмчилгээ, мэс засал хийлгэх боломжтой болсон байна.

Хагалгааны багт Гэмтэл согог судлалын үндэсний төвийн гар, сарвууны мэс заслын тасгийн эрхлэгч Л.Нанжид, мэс заслын эмч Ж.Баярмагнай, Ц.Санжаасүрэн, Мөнгөн гөлтгөнө ХХК-ны үений мэс заслын эмч Э.Дөлгөөн, мөн Төв аймгийн Нэгдсэн эмнэлгийн гэмтлийн эмч З.Мөнхчулуун, Г.Гантулга, Ц.Жамъянгарав, мэдээгүйжүүлгийн эмч Г.Бат-Оргил, мэс заслын сувилагч Ө.Ширнэн, мэдээгүйжүүлгийн сувилагч Жаргалцэцэг, туслах сувилагч Р.Нямдолгор нар оролцжээ.

Мөн хагалгааны явцад багийн эмч нар олон улсын стандартад нийцсэн өндөр технологи, аргачлалыг амжилттай ашиглан тохойн үеийг солих процедурыг гүйцэтгэсэн байна