Нөөцийн махны өргөтгөсөн худалдааг таван байршилд зохион байгуулна

Нөөцийн махны өргөтгөсөн худалдааг энэ сарын 02-ны өдрөөс таван байршилд зохион байгуулна

Нийслэлийн хэмжээнд нөөцийн махыг 01 дүгээр сарын 20-ны өдрөөс 375 цэгээр жижиглэнгээр худалдаалж эхэлсэн.
Өнөөдрийн байдлаар есөн дүүргийн 386 дэлгүүрт жижиглэн худалдааг нэмэгдүүлэн худалдаалж байгаа аж. Мөн сар шинийн баярыг тохиолдуулан нөөцийн махны өргөтгөсөн худалдааг таван байршилд зохион байгуулахаар бэлтгэл ажлыг хангасан байна.

Үүнд:
Их наяд плаза гадна талбай,
Тусгаар тогтнолын талбай,
Жуковын талбай,
Драгон төв
Байгаль эх цогцолбор гэсэн 5 байршилд нөөцийн махны өргөтгөсөн худалдаа гарах юм.

Энэ жилийн хувьд 9 аж ахуйн нэгжийн 5016 тонн нөөцөлсөн махыг нийслэлийн иргэдийн хаврын улирлын хэрэгцээнд зориулан бэлтгэсэн байна. Сар шинийн баярыг тохиолдуулан нөөцийн махны өргөтгөсөн худалдаанд хонины махыг зах зээлийн үнээс доогуур буюу 13000 төгрөгөөр борлуулж байгаа бөгөөд чанар, стандартын дагуу бэлтгэж нөөцөлсөн гулууз махыг өргөтгөсөн худалдаанаас авах боломжтой юм.