16 настай охины хэргийн урьдчилсан хэлэлцүүлгээр ял өгөх үү, дахин шалгах уу

Одоогоос жил долоон сарын өмнө 16 настай охин бусдын гарт онц хэрцгийгээр амиа алдсан. Энэ хэрэг  шийдэгдэхгүй явсаар өдий хүрсэн юм. Тэгвэл өнөөдөр 15 цагт Ц.Дагвадорж нарын дөрвөн хүнд холбогдох  хэргийн урьдчилсан хэлэлцүүлэг Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхэд болно. Прокуророор Г.Янжиндулам, Г.Баясгалан нар оролцоно. Хэлэлцүүлгээр ял өгөх хурлыг товлох, дахин шалгах эсэхийг шийднэ. 

Хэргийг Ц.Давгадорж, Х.Энхсайхан нар үйлдсэн нь цагдаагийн мөрдлөгийн явцад ил болсон. Чемодантай цогцосны дэргэд эрэгтэй, эмэгтэй хоёр сууж байгаа зургийг талийгаачийн ээж олон нийтэд дэлгэж  хуулийнхнаас тусламж хүссэн. Дээрх этгээдүүд хохирогч хэмээн шүүх хуралдаанд оролцохоор болоход прокурор тэднийг хэргийн хамжигч биш хохирогч гэж тогтоож удаа дараа эсэргүүцэл бичсэн юм. Хэрэг гарснаас хойш жил хагасын дараа урьдчилсан хэлэлцүүлэг товлогдсон.