Гал түймрийн 39 дуудлага бүртгэгдлээ

Өнгөрсөн долоо хоногт нийслэлийн хэмжээнд аврах ажиллагааны нэг, гал түймрийн 39 дуудлага мэдээлэл бүртгэгдсэн байна. Алба хаагчид нэг иргэний аюулгүй байдлыг ханган, 2.5 тэрбум төгрөгийн өмч хөрөнгийг авран хамгаалжээ.  Гэр хорооллын айл өрхүүд пийшин, зуух, яндангийн галын аюулгүй байдлыг хангаж, угаарын хийн мэдрэгчийн хэвийн ажиллагааг шалган, цахилгааны хэт ачаалал үүсгэхгүй байхыг зөвлөлөө.

Түүнчлэн, гол, мөрний нийт уртын дагууд мөсний зузаан харилцан адилгүй байна. Иймд цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна хэмээн Онцгой байдлын ерөнхий газраас мэдээллээ.