Г.Ганхуяг зургаа дахь удаагаа түрүүллээ

“Москва-1980” олимпын мөнгөн медальт, МУГТ Ж.Даваажав агсны нэрэмжит cонгомол, чөлөөт бөхийн 2026 оны УАШТ амжилттай зохион байгуулагдлаа. 

59 кг-ын жинд “Аврагч” спорт хорооны тамирчин, Азийн АШТ-ий мөнгө, хүрэл медальт, ОУХМ Х.Болортуяа түрүүллээ.Мөн эмэгтэйчүүдийн 65 кг-ын жингийн аваргаар “Алдар” спорт хорооны бөх, U20 насны Улсын аварга, Армийн дэлхийн аварга, Насанд хүрэгчдийн УАШТ-ий хүрэл, “Улаанбаатар опен-2025” тэмцээний хүрэл медальт, ОУХМ Н.Нархажид тодорсон юм. Гуравдугаар байрыг  Баянгол дүүрэг “Аваргууд” академийн тамирчин Л.Эрдэнэбулган эзэллээ. 

Харин 72 кг-ын жинд “Хилчин” спорт хорооны тамирчин, Ази тивийн аварга З.Болортунгалаг түрүүлсэн юм.  

Эрэгтэйчүүдийн 92 кг-ын жинд “Хилчин” спорт хорооны тамирчин, Залуучуудын ДАШТ-ий хүрэл, “Улаанбаатар опен-2025” тэмцээний хүрэл медальт, ОУХМ Б.Бат-Эрдэнэ түрүүллээ. 

97 кг-ын жинд “Алдар” спорт хорооны тамирчид болох ОУХМ Г.Ганхуяг түрүүлж, Т.Дэмчигдорж хоёрдугаар байр эзлэв. Тус барилдаанд Азийн наадмын хүрэл, Ази тивийн АШТ-ий хошой хүрэл медальт, ОУХМ Г.Ганхуяг 1:0-ээр ялалт байгуулж  Улсын аваргын зургаа дахь түрүүгээ хүртлээ.

U23 ангиллын Ази тивийн АШТ-ий хошой мөнгөн медальт Т.Дэмчигдорж өнгөрсөн жил 92 кг-д финалдсан бол энэ удаа жин өгсөж зодоглоод ахин мөнгөн медаль гардав.

Чөлөөт бөхийн Насанд хүрэгчдийн УАШТ-ий сүүлийн жин болох 125 кг-ийн жинд Баянгол дүүрэг "Аваргууд" академийн бөх, дэлхийн чансааны оноо олгох "Улаанбаатар опен" тэмцээний мөнгө, U20 насны ДАШТ-ий хүрэл, U23 насны Ази тивийн АШТ-ий алтан медальт Б.Намбардагва түрүүллээ.