2025 онд 273 удаагийн ой, хээрийн гал түймэр бүртгэгджээ

Уур амьсгалын өөрчлөлт, хуурайшилт, хур тунадасны хомсдол, ойн цэвэрлэгээ, хэт халалт зэрэг хүчин зүйлсийн нөлөөгөөр улсын хэмжээнд өнгөрсөн 2025 онд нийт 273 удаагийн ой, хээрийн гал түймэр бүртгэгджээ. 

Урьдчилсан байдлаар гал түймэрт ойн 77.0 мянган га, хээрийн 870.0 мянган га буюу нийт 947.0 мянга орчим га талбай өртжээ. Түймрийн улмаас 370 орчим тэрбум төгрөгийн хохирол учирсан байна.

Бүртгэгдсэн түймрийн 63.5 хувийг иргэдийн дуудлага, мэдээллээр, 32.9 хувийг сансрын дулааны цэгийн мэдээллээр, 3.6 хувийг нисдэг тэргээр тандалт хийж илрүүлсэн хэмээн Онцгой байдлын ерөнхий газраас мэдээллээ.