"The MongolZ" тав дахь тамирчнаараа "cobrazera"-г авчирлаа

Цахим спортын "CS2″ төрлийн мэргэжлийн шинэ улирал тун удахгүй эхэлнэ. Багууд ч энэ үеэр бүрэлдэхүүнээ шинэчилж, шинэ тамирчдаа танилцуулж байна. ‘The MongolZ" баг тав дахь тамирчнаараа "cobrazera"-г авчирсан. Түүнийг "The Huns" багаас багагүй өндөр үнээр худалдан авсан гэх.

Тэгвэл "cobrazera"-гаа явуулсан "The Huns" баг түүний оронд "controlez"-ийг авчирч байгаа аж. Б.Өнөдэлгэр буюу "controlez" нь өнгөрсөн оны сүүлээр "Senzu"-г түр орлож, "The MongolZ"-д нэгдсэн билээ. Өдгөө 28 настай туршлагатай тамирчны хувьд ч хүлээлтээс давсан тоглолтыг үзүүлж, багтаа үр нөлөөтэй тоглов. Харин одоо "The Huns" багт нэгдэж байна.

HLTV-ийн дэлхийн чансааны 48-д байгаа "The Huns" баг дараах бүрэлдэхүүнтэй боллоо.

• nin9
• sk0R
• Bart4k
• xerolte
• controlez
• Carnage /дасгалжуулагч/

Сүүлд гарсан мэдээллээр "The MongolZ" багийн сэлгээнд байгаа "Senzu" шинэ баг хайж байгаа бөгөөд "Awper"-ийн байрлалд тоглоход ч асуудал гэжээ. Түүний хувьд зарим тоглолтод "910"-ийн хамтаар "Awper" байрлал дээр тоглодог билээ. Тиймээс багуудын сонирхлыг улам татаж байна.