​Амралтын өдрүүдэд 700 орчим хүүхэд цана, чарганаас унаж, гэмтжээ

Өвлийн улиралд цана, чаргаар гулгах үед бэртэж гэмтэх тохиолдол нэмэгдэж байна.

Гэмтэл согог судлалын үндэсний төвөөс иргэдэд цана, чаргаар гулгахдаа хамгаалах малгай, өвдгөвч, тохойвч зэрэг хамгаалах хувцас хэрэгслийг заавал өмсөх, мөн зориулалтын, аюулгүй чарга, цана ашиглах нь гэмтлээс сэргийлэхэд чухал ач холбогдолтой.

Мөн хүүхдүүдийг хараа хяналтгүйгээр өндөрлөг, аюултай газарт гулгахыг хориглох, эцэг эх, асран хамгаалагчид хүүхдэд тавих хараа хяналтаа сайжруулах шаардлагатайг анхааруулж байна.

Гэмтэл согог судлалын үндэсний төвд өнгөрөгч баярын өдрүүдэд 1024 иргэн үйлчлүүлснээс 69 хувь буюу 700 орчим хүүхэд цана, чарганаас унаж, гэмтжээ. Өвлийн улиралд чөлөөт цагаа өнгөрүүлдэг зориулалтын цанын бааз хомс тул иргэд Богдхан уул, Хандгайт, Богинын ам, Нисэх, Яармагийн орчмын уул руу гарч, хүүхдүүдээ цана, чаргаар гулгуулдаг. Иймд цана, чаргаар гулгахдаа анхаарал, болгоомжтой байхыг Эрүүл мэндийн яамнаас анхааруулж байна.