Олон улсын мастер Б.Мөнгөнзул Хятадын супер их мастер Жу Вэнжүнийг хожлоо

Катарын Доха хотод 2025 оны шатрын рапид болон блиц тоглолтын дэлхийн аварга шалгаруулах тэмцээн болж байна.

Тус тэмцээнд 388 шатарчин рапид 13, блицээр 19 өрөгт оюун ухаанаа уралдуулж байгаа юм. Манай улсаас их мастер С.Билгүүн, Т.Мөнхзул, олон улсын мастер С.Ган-Эрдэнэ, Б.Мөнгөнзул, олон улсын шатрын холбооны дэд мастер Ц.Ананд, кандитат мастер Х.Баясгалан нар өрсөлдөж байна.

Энэхүү тэмцээнд оролцож байгаа манай шатарчдаас олон улсын мастер Б.Мөнгөнзул эхийн дуулианыг тарилаа. Тэрбээр өчигдөр болсон дэлхийн таван удаагийн аварга, дэлхийн чансааны дөрөвт эрэмбэтэй, Хятадын супер их мастер Жу Жинерийг буулган авчээ. Ингэснээр найман өргийн дараа зургаан оноотой есдүгээрт жагсаж байна. Тэрбээр эхний найман өрөгт Энэтхэгийн Дариа Парнали, Хятадын Жу Вэнжүн, Узбекистаны Гулдона Каримова, Казахстаны Лияа Курмангалиейва, Сербийн Теодара Инжоч нарыг хожиж, Оросын Катарина Лагно, Хятадын Лей Тинжие нартай тэнцэж, Энэтхэгийн Хумпи Конеруд хожигдсон байна.

Тэгвэл их мастер Т.Мөнхзул 38, кандитат мастер Х.Баясгалан 107, эрэгтэйчүүдээс олон улсын мастер С.Ган-Эрдэнэ 72, их мастер С.Билгүүн 159, Ц.Ананд 229 дүгээрт жагсаж байна. 

Өнөөдөр рапид төрөл дуусах бол маргааш, нөгөөдөр блиц төрөл эхэлнэ.