Дархан-Уул аймагт сураггүй болсон эмэгтэйг ухаангүй байдалтай олжээ

Дархан-Уул аймгийн Дархан сумын 11 дүгээр багт Дархан-Уул аймагт хүүхдийнхээ гэрт түр ирээд байсан иргэн Б нь 12.24-ний өглөөний 08:00 цагийн орчим хүүхдийнхээ гэрээс гараад сураггүй болсон. 

Эрэн хайх ажиллагааг зохион байгуулсан боловч үр дүнд хүрээгүй тул хүч нэмэгдүүлэн ажиллах тухай Цагдаагийн байгууллага болон ар гэрийн хүсэлтийг 12.25-ны өдрийн 09:00 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид, Цагдаагийн газрын алба хаагчид, ар гэрийнхэн Увс аймгийн Тариалан сумын харьяат, иргэн Б /62 настай, эмэгтэй/-г эрэн хайх ажиллагааг 10:00 цагаас зохион байгуулж өдрийн 11:40 цагт Дархан сумын 8 дугаар багийн “Антеннтай толгой” гэдэг газраас ухаан алдсан, осголтын байдалтай байсныг олж, эмнэлгийн байгууллагад хүлээлгэн өгсөн байна.