Б.Энхтүвшин: Улаанбаатарт шатахууны хомсдол хэвийн болсон. Өнөө өглөөнөөс орон нутаг руу шатахуун нийлүүлж байна

АҮЭБ-ийн Дэд сайд Б.Энхтүвшин шатахууны хомсдолтой холбоотой асуудлаар мэдэгдэл хийлээ. Тэрээр "Өчигдөр БНХАУ-аас 26 вагон АИ95 бензин Монгол Улсын нутаг дэвсгэрт орж ирээд хуваарилалтууд хийж байна. Дахиад 26 вагон дизель түлш нарийн царигаар Замын-Үүдэд ирчихсэн шилжүүлэн ачилт хийгдэж байгаа. Ондоо багтаагаад 7000 орчим тонн АИ95 бензин оруулж ирэхээр ажиллаж байна. ОХУ-аас нийлүүлэгдэх 20 мянган тонн орчим АИ92 автобензиныг энэ долоо хоногтоо багтаан нийлүүлэхээр тохирсоод байна. Өнөөдрийн байдлаар Нийслэлд шатахууны түгээлт тогтвортой болсон. Өнөө өглөөнөөс орон нутаг руу шатахуун нийлүүлж байна. Маргааш орой гэхэд улсын хэмжээнд автобензин, дизель түлшний түгээлт бүрэн тогтвортой болно" гэв.