Та шинэ жилийн баярын ширээгээ хэдэн төгрөгөөр засдаг вэ?

Үндсэн хуулиар заасан бүх нийтээр тэмдэглэх тэмдэглэлт баяр 9, тэмдэглэлт өдөр 15 байдаг. Үүний нэг нь Шинэ жилийн баяр. Шинэ жилийн баяр нь он тооллын цагалбарын хуучин он улирч, шинэ он гарч буйг тэмдэглэх баяр юм. Ямар цагалбар хэрэглэж буйгаас шалтгаалан шинэ жилийн баяр нь орон бүрт ижил байдаггүй ч дэлхийн ихэнх улс оронд Григорийн тооллын эхний өдөр буюу 1-р сарын 1-нд шинэ жилийн баярыг тэмдэглэдэг. 

Манай улсад өргөн тэмдэглэдэг баяруудын нэг шинэ жилийн баяр. Өргөн гэдэг нь мөнгө их зарцуулдаг баяр гэхэд хилсдэхгүй.  Монголчууд баяр гэхээр маргааш гэдэг өдөр байдаггүй юм шиг өр зээл аваад ч хамаагүй баярлачихдаг гэж зарим иргэд шүүмжлэлтэй ханддаг. Тэгвэл шинэ жилийн баярын ширээгээ хэдэн төгрөгөөр засдаг талаар иргэдээс тодруулахад 200.000-500.000 төгрөг зарцуулдаг. Жил бүр өргөн хэрэглээний бараа бүтээгдэхүүний үнэ өсч байгаагаас үүдэн мөнгө их  зарцуулж байгаа талаар дурьдлаа.