Гадна талбайгаа цэвэрлээгүй ААН-ээс үүдэн гэмтэж, бэртсэн бол эмчилгээний зардлыг тухайн байгууллагаас шаардах үндэслэлтэй

Гудамж талбайд халтиргаа ихэсдэг өвлийн улиралд иргэд бэртэж гэмтэх нь олонтаа. Өнгөрсөн оны өдийд өдөрт 80 гаруй хүн халтирч унаснаас болж эмнэлгийн байгууллагад хандсан байсан бол энэ оны арваннэгдүгээр сард 300 гаруй хүн бэртэж эмнэлгийн тусламж авчээ.

Манай улс иргэн, аж ахуй нэгж, байгууллага СӨХ үүргээ биелүүлээгүйн улмаас хэн нэгэн тухайн 50 метрийн орчинд халтирч унаж, гэмтвэл тухайн иргэн Иргэний хуулийн 497 дугаар зүйл буюу “гэм хор”-ийн зохицуулалтаар үндэслэн тухайн иргэн, аж ахуй нэгж байгууллагаас учирсан хохирлоо шаардах үндэслэлийг тогтоосон.

Тодруулбал Хог хаягдлын тухай хууль, Захиргааны хариуцлагын тухай хуулийн 38.2т “...гаднах орчныхоо халтиргаа, гулгаатай талбайг цэвэрлээгүй улмаас иргэд бэртэж, гэмтвэл эмнэлэг, эмчилгээний зардлыг тухайн байгууллага хариуцна гэж заасан байдаг. 

Хотхоныхоо үүдэнд халтирч бэртээд сөхөөсөө эмчилгээний зардал 3.1 сая төгрөг нэхэмжилсэн иргэний асуудал олон нийтийн сүлжээнд тарсан. Тухайн асуудал шүүхийн хүрээнд шийдвэрлэгдэж 1.671.000 төгрөгийн нөхөн олговор олгохоор шийдвэрлэсэн байна.