Барилгын норм дүрэм, салбарын хууль эрх зүйн орчин ба шинэчлэлийн асуудлыг хэлэлцлээ

МБҮА ТББ нь салбарын үйл ажиллагаатай холбоотой хууль тогтоомжийн төсөлд санал өгөх, салбарын хууль, эрх зүйн орчныг шинэчлэх, боловсронгуй болгоход дэмжлэг үзүүлэн хууль, эрх зүйн акт, норм, стандартыг боловсруулахад оролцох, салбарт олон улсын гэрээний зарчмыг нэвтрүүлэх, сурталчлах, сургалт зохион байгуулах үүргийн дагуу ХБОСЯ-тай хамтран БАРИЛГЫН НОРМ ДҮРЭМ, САЛБАРЫН ХУУЛЬ ЭРХ ЗҮЙН ОРЧИН БА ТҮҮНИЙ ШИНЭЧЛЭЛ сэдвийн хүрээнд чадавхжуулах онлайн сургалтыг 2025.12.05-ны өдөр хийлээ.

“Барилгын салбарын хууль эрх зүйн шинэчлэлт” сэдвийн хүрээнд ХБОСЯ-ны барилгын материалын үйлдвэрлэлийн хэлтсийн дарга -Д.Батзориг, “ТЭЗҮ боловсруулах үндсэн зарчим, бүтэц”-ийн талаар Барилгын Төсөвчдийн Холбооны УЗ-ийн дарга Ү.Банди, “Барилгын ажлыг эхлүүлэх, үргэлжүүлэх зөвшөөрөл олгох дүрэм”-ийн талаар МБҮА ТББ-ын Гүйцэтгэх захирлын үүргийг хавсран гүйцэтгэгч М.Энхбаатар, “Барилгын үйл ажиллагааны тусгай зөвшөөрлийн шинэ суурь нөхцөл, шаардлага, зөвшөөрлийн нэгдсэн систем license.mn” талаар БҮАТЗХ-ийн ахлах мэргэжилтэн Т.Төмөр-Очир нар мэдээллийг тус тус хүргэлээ.

Сургалтаар барилгын норм дүрэм, салбарын хууль эрх зүйн орчин ба түүний шинэчлэл, барилгын материал үйлдвэрлэх, барилгын ажил гүйцэтгэх, түүнд хяналт тавих, ашиглалтад оруулахтай холбоотой зөвшөөрлүүдийг дагаж мөрдөх, барилгын үйл ажиллагааны тусгай зөвшөөрлийн нөхцөл шаардлагын талаар оролцогчдын асуултад хариулт өглөө.