​Залруулга: ​УИХ-ын гишүүн Ж.Золжаргалыг 52 орчим тэрбум төгрөг үр ашиггүй зарцуулсан талаар хотын дарга Х.Нямбаатарын хэлсэн үгийг редакцын үг мэт нийтэлсэн байна

Залруулга: Манай сайт 2025.06.22 -ны өдөр хотын дарга Х.Нямбаатарын нийслэлчүүдэд хандан хийсэн мэдээллийг шууд дамжуулсан үзүүлсэн болно. Тус мэдээлэлд хотын дарга Х.Нямбаатар: "Тавантолгойн эрчим хүчний нүүрснээс шатахуун, хуванцар гаргах туршилтын үйлдвэрийн төсөлд 50 орчим тэрбум төгрөг зарцуулсан хэдий ч шороо овоолгоноос өөр ажил хийгээгүй. Тус төслийн гүйцэтгэгчээр "Паст Презент Солюшн" ХХК, түншлэгчээр "Кэй минералс солюшн" ХХК ажилласан. "Кэй минералс солюшн" ХХК-ийн захирал Ж.Азжаргал нь УИХ-ын гишүүн Ж.Золжаргалын дүү бөгөөд төсөл хэрэгжүүлэгч үед УИХ-ын гишүүн Ж.Золжаргал зөвлөх инженерээр ажилласан" гэж мэдээлсэн. Тус мэдээллээс улбаалан бид 2025.06.26-ны өдөр "УИХ-ын гишүүн Ж.Золжаргал “Тавантолгойн эрчим хүчний нүүрснээс шатахуун, хуванцар гаргах туршилтын үйлдвэрийн төсөл”-ийн зөвхөн урьдчилгаа төлбөрт 1 тэрбум 740 сая төгрөг, нийт 52 орчим тэрбум төгрөгийг үр ашиггүй зарцуулжээ"  гэх постер мэдээлэл бэлтгэн нийтэлсэн болно. Ингэхдээ эх сурвалж болох хотын дарга Х.Нямбаатар гэж тодотгож өгөөгүй нь санамсаргүй алдаа болсон талаар "Хэвлэл мэдээллийн зөвлөл"-ийн Ёс зүйн хорооноос зөвлөмж ирсэн тул залруулж байна.