ИТХ-ын дэргэдэх эмэгтэйчүүдийн зөвлөлийн даргаар төлөөлөгч г.даваацэцэг сонгогдон ажиллахаар боллоо

Сүхбаатар дүүргийн иргэдийн Төлөөлөгчдийн Хурал нь 12 эмэгтэй төлөөлөгчтэй бөгөөд дүүргийн иргэдийн Төлөөлөгчдийн Хурлын 2025 оны 03/23 дугаар тогтоолоор дүүргийн эмэгтэйчүүд, хүүхдийн нийтлэг эрх ашгийг хамгаалах, тэдний өмнө тулгамдаж буй асуудлыг холбогдох байгууллагад уламжлах, үе шаттай шийдвэрлэх, эмэгтэйчүүдийн оролцоо, эрх тэгш байдлыг хангах чиглэлээр ажиллах чиг үүрэг бүхий дүүргийн иргэдийн Төлөөлөгчдийн Хурлын дэргэдэх Эмэгтэйчүүдийн зөвлөлийг байгуулсан.

ИТХ-ын даргын 2025 оны А/163 дугаар захирамжаар Эмэгтэйчүүдийн зөвлөлийн анхдугаар хуралдаан 2025 оны 09 дүгээр сарын 10-ны өдөр хуралдаж “Эмэгтэйчүүдийн зөвлөлийн даргыг сонгох тухай” асуудлыг хэлэлцлээ.
Дүүргийн иргэдийн Төлөөлөгчдийн Хурлын дэргэдэх Эмэгтэйчүүдийн зөвлөлийн даргад 2 төлөөлөгч өрсөлдсөн бөгөөд хуралдаанд оролцсон төлөөлөгчдийн олонхын саналаар төлөөлөгч Г.Даваацэцэг Эмэгтэйчүүдийн зөвлөлийн даргаар сонгогдон ажиллахаар боллоо.
Хуралдааны үеэр ИТХ-ын дэргэдэх Эмэгтэйчүүдийн зөвлөлийн дарга Г.Даваацэцэг хэлсэн үгэндээ
ИТХ-ын төлөөлөгчидтэйгээ хамтран сургууль, цэцэрлэгт сурч хүмүүжиж буй хүүхэд багачуудын эрүүл, аюулгүй байдлыг хангахад нэн тэргүүнд анхаарч ажиллах болно гэдгээ илэрхийллээ.