Шашны байгууллагуудад хяналт, шалгалт хийж зөвлөмж өгч ажиллалаа

Нийслэлийн иргэдийн Төлөөлөгчдийн Хурлын даргын 2025 оны "Хяналт шалгалт зохион байгуулах тухай" А/213 дугаар захирамж, Сүхбаатар дүүргийн иргэдийн Төлөөлөгчдийн Хурлын даргын 2025 оны А/167 дугаар захирамжаар байгуулагдсан ажлын хэсгийн бүрэлдэхүүн 2025 оны 09 дүгээр сарын 18-ны өдрөөс 2025 оны 09 дүгээр сарын 23-ны өдрүүдэд дүүргийн нутаг дэвсгэрт шашны чиглэлээр үйл ажиллагаа явуулж буй зөвшөөрөлтэй 23, зөвшөөрөлгүй 6, үйл ажиллагаа зогссон 3 сүм, хийдүүдийн үйл ажиллагаатай танилцаж холбогдох хууль тогтоомжийн хэрэгжилтэд хяналт тавьж зөрчил илэрсэн шашны байгууллагуудад зөрчил арилгах мэдэгдлийг хүргүүлэв.

Ажлын хэсгийн даргаар дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Д.Батдулам, гишүүдээр дүүргийн ЗДТГ-ын Нийгмийн хөгжлийн хэлтэс
Боловсролын хэлтэс
Онцгой байдлын хэлтэс
Татварын хэлтэс
Улсын бүртгэлийн хэлтэс,
Хүүхэд, гэр бүлийн хөгжил, хамгаалалын хэлтэс
Цагдаагийн 1, 2 дугаар хэлтсийн холбогдох мэргэжилтнүүд ажиллалаа