Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэгт хамрагдлаа

Монгол Улсын Засгийн газрын 2025 оны 23 дугаар тогтоол, нийслэлийн Засаг даргын 2025 оны А/1220 дугаар захирамжийн
хүрээнд нийслэлийн хэмжээнд төрийн байгууллагын архив, албан хэрэгт хөтлөлт, ажлын зохион байгуулалтын улсын үзлэгийг удирдан зохион байгуулах нийслэлийн салбар комиссын гишүүн НЗДТГ-ын Төрийн захиргааны удирдлагын хэлтсийн дарга Ү.Ганболдоор ахлуулсан ажлын хэсэг 2025 оны 10 дугаар сарын 27, 28-ны өдөр Сүхбаатар дүүргийн иргэдийн Төлөөлөгчдийн Хуралд ажиллалаа.
Сүхбаатар дүүргийн иргэдийн Төлөөлөгчдийн Хурлын нарийн бичгийн дарга бөгөөд ажлын албаны даргын “Комисс байгуулах тухай” 2025 оны А/182 дугаар тушаалаар байгууллагын комисс 10 хүний бүрэлдэхүүнтэй байгуулагдан улсын үзлэгийн 3 үндсэн үзүүлэлтийн 87 шалгуур үзүүлэлтээр амжилттай дүгнэгдлээ.
Улсын үзлэгийн ажлын хэсэг нь Төрийн байгууллагуудын ажлын зохион байгуулалт, архив, албан хэрэг хөтлөлтийн талаарх хууль тогтоомжийн хэрэгжилтийг шалгах, архив, албан хэрэг хөтлөлтийн үйл ажиллагааны түвшинг тогтоож, дүгнэлт хийх, түүний үндсэн дээр цаашид авах арга хэмжээний талаар ИТХ-ын нарийн бичгийн дарга бөгөөд ажлын албаны дарга Ц.Осорваань болон Хурлын ажлын албаны 2 хэлтсийн дарга нарт танилцуулж зөвлөмж өглөө.