“ХАН-УУЛ 60" БАГШ НАРЫН БАЯРЫН ХҮНДЭТГЭЛИЙН ҮЙЛ АЖИЛЛАГАА ЗОХИОН БАЙГУУЛАГДЛАА

Дэлхийн багш нарын 31 дэх, Монголын багш нарын 59 дэх өдөр, Хан-Уул дүүрэг үүсэн байгуулагдсаны 60 жилийн ойг угтан “Хан-Уул 60” Багш нарын баярын хүндэтгэлийн үйл ажиллагааг 2025 оны 10 дугаар сарын 02-ны өдөр Монголын Хүүхдийн ордонд зохион байгууллаа.

Хүндэтгэлийн үйл ажиллагаанд Хан-Уул дүүргийн Засаг дарга Б.Цэрэн, Засаг даргын орлогч Ч.Базарзаяа нар оролцож, Хан-Уул дүүргийн Боловсролын хэлтэс, ЕБС, СӨБ-ын байгууллагын 700 гаруй багш, удирдах ажилтны төлөөлөлд баяр хүргэж, боловсролын салбарт олон жил, үр бүтээлтэй ажилласан удирдах ажилтан, багш ажилтны төлөөлөлд Төрийн дээд одон медаль, салбарын болон Хан-Уул дүүргийн “Хүндэт тэмдэг”-ийг тус тус гардууллаа.