“ХАЙРААР ДҮҮРГЭЕ – ХАНДЛАГААР ХӨГЖЬЕ”

Мэргэжлийн сэтгэлзүйчид болон боловсрол судлаачид цэцэрлэгийн нас буюу 3-5 насны хүүхдийн үе бол хүний амьдралын хамгийн шийдвэрлэх хөгжлийн үе шат буюу “Алтан үе” гэдэг байна.

Хан-Уул дүүргийн ГХУСАЗСЗ-өөс “Хайраар дүүргэе, Хандлагаар хөгжье” төслийг дүүргийн 28, 65, 308 дугаар цэцэрлэг дээр 2025 оны 03 дугаар сараас эхлэн 2025 оны 05 дугаар сарыг дуустал хоёр сарын хугацаанд хэрэгжүүлэх юм.

Төслийн хүрээнд цэцэрлэгийн нийт ажиллагсдад хувь хүний хөгжил, багийн ажиллагаа, харилцааны ур чадварыг сайжруулах, эерэг уур амьсгал бүрдүүлж, ажил амьдралын бүтээмж, чанарыг нэмэгдүүлэх зэрэг мэдлэг мэдэгдэхүүн өгч,

Цэцэрлэгийн насны хүүхдүүдтэй эцэг эхчүүдэд зориулан өөрийгөө нээх, хүүхэдтэйгээ болон бусадтай харилцах ур чадвар эзэмших, стрессээ удирдах аргад суралцан амьдралын тэнцвэрийг олж, сэтгэл хангалуун байх ухаанд хөтлөх сургалтуудыг үе шаттай зохион байгуулж байна.