Хамтын ажиллагааны санамж бичиг байгууллаа

Монголын төмөр зам” ТӨХК нь БНХАУ-ын Бугатын төмөр замын мэргэжлийн техник, технологийн коллежтой хамтын ажиллагааны санамж бичиг байгууллаа. Энэхүү санамж бичиг нь хоёр байгууллагын харилцан ойлголцол, найрсаг харилцааг гүнзгийрүүлэх, мөн төмөр замын инженерчлэл, боловсрол, судалгаа шинжилгээ, инновацын чиглэлд хамтын ажиллагааг шинэ түвшинд хүргэх зорилготой юм.

Санамж бичигт Бугатын төмөр замын мэргэжлийн техник, технологийн коллежийн захирал Жу Шиаохуэй, “Монголын төмөр зам” ТӨХК-ийн зүгээс Гадаад харилцааны менежер Л.Эрдэнэбаатар нар гарын үсэг зурж, дараах чиглэлээр хамтран ажиллахаар тохиролцов. Үүнд:

• Оюутан солилцооны хөтөлбөр хэрэгжүүлэх
• Багш, судлаачдын харилцан айлчлал, сургалт, туршлага солилцоо зохион байгуулах
• Хамтарсан судалгаа, инновац, технологийн шийдэл хөгжүүлэх
• Тодорхой сэдвээр хамтарсан сургалт, семинар, эрдэм шинжилгээний хурал, хэлэлцүүлэг зохион байгуулах
• Хамтын ажиллагааг өргөжүүлэх бусад боломжуудыг харилцан судалж, хэрэгжүүлэх зэргийг тусгасан байна.