Х.Нямбаатар: Бодлого, төлөвлөлттэйгөөр ажлаа уялдуулж, утаанаас сална

Хотын утаа ганц өнөөдөр тунарчихсан асуудал биш шүү дээ. Олон жил төлөвлөлтгүй тэлсэн хотжилтоос үүдэлтэй. Гэр хорооллын айл өрхүүдийн яндангийн утаа, түүхий нүүрс түлж байгаа том станцуудын утаа, 800 мянган машины яндангийн утаа, жижиг, дунд оврын уурын зуух, аж ахуйн нэгжүүдийн утаа нийлээд өнөөдрийн агаарын бохирдлыг үүсгэж байгаа. Бид агаарын бохирдлоо бууруулахын тулд хагас кокс түлш нэвтрүүлсэн, энэ жил 5000 айлыг хийн халаагуурт шилжүүлсэн. Ирэх жил 50 мянган айлыг хийн халаагууртай болгоно. Уртдаа орон сууцжуулах бодлого бариад орон сууцны төслүүд эхнээсээ баригдаж байна. Ирэх жилүүдэд газар чөлөөлөлтийг түлхүү хийж, орон сууцжуулна. Хотоос цахилгаан, дулаан хангамжийг нэмэгдүүлэх, инженерийн дэд бүтцээ өргөтгөх ажлыг хийж, дэд бүтцээ бэлдэж байгаа. Бодлого, төлөвлөлттэйгөөр ажлаа уялдуулж, утаанаас сална. Алга урвуулахын хооронд энэ утааг арилгаж барахгүй шүү дээ