ӨМӨЗО-нд цахимаар үнээ маллаж, хянадаг болжээ

ӨМӨЗО-ны "Мэннью" Групп-ийн үйл ажиллагаатай танилцаж байна. Тус компанийн төв байр нь Хөх хотод оршдог бөгөөд дэлхийн сүүний үйлдвэрлэлийн шилдэг арван компанийн бүртгэлд олон жил дараалан бичигдэж байна. 2004 онд ХонгКонгийн хөрөнгийн биржид хувьцаагаа гаргасан бөгөөд Хан Сэнгийн индекс, Хан Сэн Хятадын аж ахуйн нэгжийн индекс болон Хан Сэнгийн тогтвортой хөгжлийн индексийн бүрэлдэхүүн хувьцаа юм. Хятадын COFCO групп нь Мэнньюгийн хамгийн том стратегийн хөрөнгө оруулагч юм. Голчлон БНХАУ болон дэлхийн хэрэглэгчдийг шим тэжээлтэй, эрүүл, амтлаг сүүн бүтээгдэхүүнээр хангахад төвлөрөн ажилладаг бөгөөд шингэн сүү, зайрмаг, хуурай сүү, бяслаг зэрэг төрөл бүрийн бүтээгдэхүүнүүдийг бүрдүүлжээ. Тус компанийн Терүүн сүү зэрэг 10 гаруй алдартай брэндүүдтэй. Дээд зэрэглэлийн цэвэр сүү, бага температурт исгэлэн бүтээгдэхүүн, өндөр зэрэглэлтэй шинэ сүү, бяслаг, шингэн уургийн бүтээгдэхүүнүүдийн салбаруудаас Мэнньюгийн зах зээлийн эзлэх хувь улсын хэмжээнд тэргүүлэгч түвшинд хүрч байна. БНХАУ-аас гадна Мэнньюгийн бүтээгдэхүүн Зүүн Өмнөд Ази, Номхон далай бүс, Хойд Америк зэрэг олон оронд худалдаалагддаг. 2024 онд Мэннью 886.7 тэрбум юанийн орлоготой, 72.6 тэрбум юанийн үйл ажиллагааны ашигтай ажиллажээ.