Холбогдогч Г-ийн ээж "цахим орчны сэтгэгдлээр гэмгүй хүмүүсийг яллагдагч болголоо" гэж гомдоллож байна

Талийгаач охины хажууд цай уугаад сууж буй хар цамцтай Г, болон буйдан дээр сууж буй Н нар нь өнөөдөр энэ хэргийн хохирогч биш холбогдогч гэдгээр цагдан хоригдон шалгагдаад байгаа.

Тэгвэл Г-ийн ээж өнөөдөр нэгэн сайтад хандаж “Миний хүү алуурчинтай хамжигч биш, эцсээ хүртэл талийгаач охиныг хамгаалсан, маш их айж сандарсан, цагдаа прокурорынхон цахим орчны сэтгэгдлээр гэмгүй хүмүүсийг яллагдагч болголоо” гэж гомдоллож байна. Тэгвэл талийгаач охины ээж хэлэхдээ “Г нь миний охины толгой дээр гишгэсэн, маш их баримт байгаа, Г-ийн ээж нь маш их нөлөөтэй гэдэг нь батлагдаж байна, энэ хэргийг эхлэл нь танай хүү шүү” хэмээн цахим хуудсандаа бичжээ.