Банкинд хуурамч доллар илэрсэн хэрэг бүртгэгджээ

Чингэлтэй дүүргийн нутаг дэвсгэрт “банкинд хуурамч доллар илэрсэн” гэх дуудлага мэдээлэл энэ оны 11-р сарын 18-ны өдөр цагдаагийн байгууллагад бүртгэгдсэн.

Иргэн Д нь хуурамч 100 ам.доллар солиулахыг завдсан хэрэгт эд мөрийн баримтаар мөнгөн тэмдэгт 1 ширхгийг хураан авч, шалгаж байна.
Бүртгэгдсэн гомдол мэдээлэлд илэрсэн мөнгөн тэмдэгт нь кино зураг авалтад ашиглах зориулалттай “Copy” “MOTION PICTURE PURPOSES” гэх бичиглэлтэй мөнгөн дэвсгэрт байсан нь тогтоогдсон.
Иймд банк болон арилжааны байгууллагууд нь мөнгөн дэвсгэртийн тусгай тэмдэг, тэмдэглэгээг шалгах мэргэжлийн төхөөрөмжтэй тул хуурамч мөнгөн дэвсгэртийг солиулахаар оролдох нь хуулийн хариуцлага хүлээх үндэслэл болохыг цагдаагийн байгууллагаас сэрэмжлүүлж байна