Томуугаар өвчлөгсдийн 52 хувийг 5 хүртэлх насныхан эзэлж байна

Амбулаториор нийт 281,624 хүн тусламж үйлчилгээ авснаас 5.1 хувь 14,308 нь томуу, томуу төст өвчтэй байна. Үүнээс Улаанбаатарт 34.4 хувь 4,908 нь, орон нутагт 65.6 хувь 9,400 нь бүртгэгджээ. Энэ нь өмнөх 7 хоногоос 0.8 хувиар их, өнгөрсөн оны мөн үеэс 1.4 хувиар бага байна. Эмнэлэгт 7,084 хүн хэвтэн эмчлүүлж байгаагаас 18.9 хувь нь буюу 1,342 хүн амьсгалын замын цочмог хүнд халдварын шалтгаантай байна. Үүнээс Улаанбаатарт 44.3 хувь, орон нутагт 55.7 хувь нь бүртгэгдсэн байна. Энэ нь өнгөрсөн оны мөн үеэс 2.3 хувиар бага байна. Томуу, томуу төст өвчнөөр өвчлөгсдийн 79.2 хувийг 15, үүнээс 51.8 хувийг 5 хүртэлх насныхан эзэлж байна. Мөн амьсгалын замын цочмог хүнд халдварын шалтгаант эмнэлэгт хэвтэгсдийн 80.6 хувь нь 15, үүнээс 65.1 хувь нь 5 хүртэлх насны хүүхэд байна.

Дэлхий дахинд дараах вирусийн халдвар зонхилж байна.

• A(H1N1)pdm09: Төв Америк ба Карибын тэнгис, Зүүн ба Дунд Африк
• A(H3N2): Өмнөд Америк, Хойд Европ, Баруун, Өмнөд ба Зүүн-Өмнөд Ази
•  A(H1N1)pdm09 баA(H3N2) давхар орчилд байгаа: Баруун Африк.