Төсвийн ерөнхийлөн захирагч нарын төсвөөс 10-15 хувийг танасан

2026 оны Төсвийн тухай хууль батлагдсан тул  Засгийн газрын гишүүд мэдээлэл хийлээ. 

Сангийн сайд Б.Жавхлан "2026 оны төсвөө хуулийн хугацаандаа багтан амжилттай баталлаа. Энэ жилийн төсөвт 188 мянган иргэний санал хүсэлтийг тодорхой хэмжээнд тусгаж өгснөөрөө онцлог. Ерөнхий сайд, УИХ-ын даргын асуудал яригдсан, боловсрол, эрүүл мэндийн салбарынхан ажил хаясан зэрэг хүнд хэцүү үед төсөв батлах процесс явагдлаа. Салбар, нийгмийн шаардлагуудад үндэслэн зохих өөрчлөлтүүдийг хийлээ" гэв.  

Төсвийн ерөнхийлөн захирагч нарын төсвөөс 10-15 хувийг танасан 

Сангийн сайд мэдээлэлдээ төсвийн ерөнхийлөн захирагч нар ирэх жилийн ажлын төлөвлөгөөнөөс 10-15 хувийн ажлыг танасан гэж ойлгох хэрэгтэй. Ажил хумигдаж байж цалин, тэтгэвэр, тэтгэмжийг нэмэхэд зарцуулагдсан.  Батлагдсан төсвөөр Засгийн газар 2026 онд үйл ажиллагаагаа санхүүжүүлэх бүрэн боломжтой гэж мэдэгдэв.