Явган зорчигчийг мөргөж нэг иргэн амиа алджээ

Toyota Pruis маркийн автомашины жолооч явган зорчигч хоёр иргэнийг мөргөж, нэг хүн амиа алдсан хэргийг Тээврийн цагдаагийн албанаас шалгаж байна. Авто осолд орсон хүн СХД-ийн нэгдсэн эмнэлэгт хүргэгдсэн бөгөөд биеийн байдал хүнд байна  гэх дуудлага энэ сарын 12-ны 05:54 цагийн орчимд цагдаагийн байгууллагад бүртгэгджээ. 

Иргэд та бүхэн замын хөдөлгөөнд оролцохдоо дүрмийг баримтлах, цаг агаарын нөхцөл байдалтай холбоотойгоор техникийн бүрэн бүтэн байдлыг хангаж явган зорчигчдод зам тавьж өгөх зэрэгт анхаарал хандуулан өөрийн болон бусдын амь нас, эрүүл мэндэд хохирол учруулахаас урьдчилан сэргийлэхийг ЦЕГ-аас сэрэмжлүүллээ.