Өнөөдөр эмч, ажилтнуудын цалин нэмэх хэлэлцээр албажвал ажил хаяхгүй

Эрүүл мэндийн сайд Ж.Чинбүрэн, Сангийн сайд Б.Жавхлан, Гэр бүл, хөдөлмөр, нийгмийн хамгааллын сайд Т.Аубакир нар Монголын Эрүүл мэндийн ажилтны үйлдвэрчний эвлэлийн холбооны төлөөлөлтэй уулзалт хийжээ. 

Өнгөрсөн хугацаанд эмч, ажилчдын цалинг хэрхэн нэмэгдүүлэх талаар бодит тооцооллыг хийснээ танилцуулж Эрүүл мэндийн салбарын ГУРВАН ТАЛТ ХЭЛЭЛЦЭЭР-ийг үргэлжлүүлэн хэлэлцсэн байна. Эхний ээлжийн шийдвэр болох цалинг үе шаттай нэмэгдүүлнэ гэх саналыг талууд зөвшөөрч Засгийн газарт танилцуулан дэмжигдсэн. Эмч ажилтнууд цалин нэмэх шийдвэр албажсанаар ажил хаялт зарлахаа зогсооно.  Харин цалин нэмэгдүүлэх шийдвэр албажих хүртэл ажил хаялтыг нэг хоногоор хойшлуулж байгаа тухай мэдэгдэл хийлээ.